Google ADS

Modric refuzon t’i bashkohet Ronaldos tek Al Nassri

11:22 | 26 Janar 2023
K.B

Skuadra arabe Al Nassr nuk e ka ndërmend të ndalet vetëm me marrjen e yllit botëror Cristiano Ronaldo, por synon edhe emra të tjerë të njohur nga futbolli evropian.
Së fundi u raportua se ata po provojnë ta rrëmbejnë mesfushorin kroat Luka Modric nga Real Madridi, por kjo duket se nuk do të ndodh.

Sipas “Marca”, mesfushori i Real Madridit, ka refuzuar ofertën e klubit të Arabisë Saudite që kërkuan ta merrnin atë pas përfundimit të këtij sezoni.

Me kontratën e Modricit që skadon në fund të sezonit, Al Nassr shpresonte ta ribashkonte atë me ish-shokun e skuadrës Cristiano Ronaldo dhe thuhet se po ofronte një pagë prej 40 milionë euro në vit.

Megjithatë, legjenda kroate duket se do të vazhdojë te Real Madridi edhe për një sezon tjetër./lajminet

Shpërndaje në rrjete sociale

Lajmet më të lexuara

Të ngjashme

Foto lajm

sq sq